Presentacion

Lo Collègi d’Occitania un organisme de formacion e d'ensenhament adaptat

Nòstras formacions s’inscrivon dins una perspectiva d’insercion, d’evolucion, de desvolopament personal e de mobilitat professionala de nòstres estagiaris.

A l’inscripcion, propausam un tèst de posicionament per fin d’apreciar vòstre nivèl e de precisar amb vos vòstres objectius.

Un còp l'inscripcion confirmada e lo nivèl de lenga estalblir, un formator vos es designat. Vos seguirà tot lo long de vòstra formation. 

Tot de long, d’evaluacions son organizadas a l’iniciativa del formator.

Al final dels moduls d'aprendisatge semestrials estandards, un tèst de sortida permetrà una avaloracion de las competéncias aqueridas pendent lo percors.

Nòstras ofèrtas de formacion sègon los objectius del CECRL (Cadre European Comun de Referéncia per las Lengas) qu’es uèi la nòrma en matèria d’ensenhament de las lengas.
Aital, lo long de la formacion, alternaretz entrainament oral : compreension e expression oralas (CO – EO) e escrit : compreension e expression escritas (CE – EE), mercés a supòrts modèrnes e variats.
 
Los nivèls dels divèrses moduls son definits pel CECRL :

Nivèl A : utilizator elementari devesit en nivèl introductiu o de descobèrta (A1) e nivèl intermediari o usual (A2)
Nivèl B : utilizator nivèl suèlh (B1)
Nivèl C : utilizator independent (B2)
 
Dos tipes de formacion :

• Los moduls d’aprendisatge semestrial estandards de la lenga
• Las formacions especificas (DCL, estagis de professionalizacion, complement e seguit de preparacion al bac…)

 Que que siá la formacion, de corses en presencial seràn propausats en fonccion del nombre dels estagiaris concernits e de lors disponibilitats. Per mai d'informacion.