Obradors d'escriptura

Jos la responsabilitat de Florian VERNET, universitari e escrivan, los Talhièrs d'Escriptura del Collègi d'Occitania an per objectiu de perfar vòstre estil literari en tot vos obrir sus de novèlas fòrmas d'escriptura, sus diferentas tecnicas d'expression e de relectura, a d'estils e autors literaris occitans.

 

Aquels talhièrs, unicament en e-learning e en individual, s'adreçan als professionals de la communicacion, de la lenga coma a totes aqueles qu'an un projècte de creacion literària.

 

Lo volum orari depend de la vitessa de progression del estagiari. Çaquelà, comptan environ 3h de trabalh personal per setmana e un RDV telefonic bimensual amb lo formator, permetent un acompanhament optimal del estagiari.

 

Aquesta formacion es compausada de tres nivèls e demanda una mestresa de la lenga ja confirmada tre l'inscripcion :

 

- Nivèl 1 : B2 - durada : 15 setmanas (2 sessions per an)

- Nivèl 2 : B2.1 - durada : 10 meses (de novembre fins a agost)

- Nivèl 3 : B2.2 - durada : 10 meses (de novembre fins a agost)

 

Al terme del cicle de formacion, l'estagiari serà covidat a escriure un tèxte literari en occitan. Un comitat de lectura serà donc convocat per fin de decidir d'una publicacion dins la revista literària del Gai Saber.