Los moduls

Los Moduls d’Aprendisatge

L’aprendisatge de la lenga s’organiza segon 3 moduls de nivèls diferents :

  • Modul 1 : nivèl A1-A2 (descobèrta – usual) : pels novelaris e fals novelaris
  • Modul 2 : nivèl B1 (nivèl suèlh) : justificar un nivèl A2 (atestacion, diplòma, tèst de posicionament del Collègi...)
  • Modul 3 : nivèl B2 (avançat) : justificar un nivèl B1 (atestacion, diplòma, tèst de posicionament del Collègi...)

Segon las resultas del tèst de posicionament efectuat a la recepcion de vòstra ficha d’entresenha, e en acòrd amb lo formator que vos entretendrà per la partida orala, evoluiretz dins un d’aqueles 3 moduls.

L’inscripcion se fa per modul semestrial de 15 setmanas (dont una setmana de suspension pedagogica) per un trabalh setmanièr de 3h : 2h sus nòstra platafòrma per trabalhar l'escrit e 1h en visioconferéncia amb vòstre formator.

Doas sessions per an : del 15 d'octobre al 21 de genièr e del 28 de febrièr al 06 de mai.
 
Dins aquesta logica de flexibilitat, avètz la possibilitat de començar vòstra formacion siá en novembre, siá en febrièr. Aital podètz seguir tant de moduls coma o desiratz en seguida.
 
Tot lo long de la formacion, d’evaluacions intermediàrias son organizadas a l’iniciativa del formator a interval regular. Al final del modul semestrial, un tèst de sortida permetrà una evaluacion de las competéncias aqueridas tot lo long del percors e una atestacoin de nivèl de lenga serà balhada.

Modul d'Iniciacion

Aqule modul foguèt elaborat per respondre a una demanda de formacion sus un temps mai cort e d'un nivèl de lenga mai modèste (A1.2) que non pas los Moduls d'Aprendisatge estandards.

Aital podètz seguir una iniciacion a la lenga e a la cultura occitanas 2h per setmana : 1h30 en autonomia sus la platafòrma per preparar l'escrit e 30 minutas en intercambi amb un formator. Un tèst de sortida serà tanben prepausat per fin d'apreciar lo nivèl aquerit.

Las sessions son obèrtas tota l'annada e per tot public.


Per mai de detalhs a propaus del programma de cada modul, nos podètz contactar al (+33) 06 811 02 819. Un secretariat es a vòstra disposicion los diluns e dimarts. Nos podètz tanben júnher per mail : contacte@collegioccitania.com o dirèctament via lo site.